قصيدة جديدة بعنوان ” حلمك ” للكاتبة أمل البردان

بنحلم وهنحقق حلمنا
والفرحة هتدخل قلبنا
والحزن اللى فى حياتنا هيتبدل
والايام الحلوة هتتكتل
والضحكة هترجع من تانى
وهننسى خلاص الوش الاولانى
بس نقرب من ربنا
ونركز بس فى اللى يخصنا
ونحمد ربنا على الموجود
ونصبر صبر ملهوش حدود
وهى الحاجة كده مبتحلوش غير فى الاخر
زى ما ريحة الاكل بتشدك اخر ساعة فى وقت الصوم
زى كلامك مع صحابك طول السكة فى اخر اليوم
حتى النوم مبيحلوش غير فى الاخر
حاجة جميلة…
لما تتخيل حلمك كل ليلة
وانك قربت تخلص السكة الطويلة
خلى املك فى ربنا كبير
انت فى التفكير وهو فى التدبير