قصيده بعنوان اول يوم غربه للكاتبه امل البردان
- سافرت واتغربت وسبت اهلى وسبت البيت
- وركبت الطيارة وسرحت واتلهيت
- لحد ما اعلنت المضيفة الوصول وساعتها اتمنيت
- ان الوقت يطول وحسيت انى انتهيت
- وانى هقول ياريتنى ما جيت
- بس خلاص ده نصيبى سواء رضيت او ما رضيت
- وشيلت هم بكره كأنه اتقل من الحيط
- وقولت لازم اصبر على ما ابتليت
- ودورت على شقة وقعدت
- ولصوت وحضن امى اشتقت
- قمت مسكت التليفون اكلمها
- وفضلت احبس فى دموعى واكتمها
- قولتلها ادعيلى يا امى انا محتاج اوى لدعواتك
- واوعى تنسينى ابدا فى صلاتك
- قالتلى ياابنى انت ضنايا وانا عمرى ما انساك
- وعلطول قعدة على سريرك مستنياك
- ولوجيت ملقتنيش متبكيش عشان قلبى فى تربتى ميوجعنيش
- وارضى بنصيبك مهما كان ده مقدر ومكتوب من الرحمن #بـــقـــــلــمـى #امل_البردان